Në Betwil, më së shumti 100 azilkërkues

Zvogëlimi i numrit nga 140 në 80-100, ka ardhur si rezultat i negocimit në mes të autoriteteve të kantonit dhe kundërshtarëve të qendrës

Qendra e strehimit për azilkërkues në Bettwil të Argaut, hapja e të cilës kishte ngjallur reagime shumë të ashpra te banorët, duket se do të jetë më e vogël se sa ishte menduar fillimisht. Në vend të 140 azilkërkuesve, në Bettwil do të strehohen 80 deri 100 të tillë.

Zvogëlimi i numrit ka ardhur si rezultat i negocimit në mes të autoriteteve të kantonit dhe kundërshtarëve të kësaj qendre.

Po kështu, siç bën të ditur kantoni Aargau, nuk do të behen ndërhyrje ndërtimore në strehimoren ushtarake ku do të strehohen azilkërkuesit.

Kundërshtarët e hapjes së qendrës kanë premtuar, nga ana e tyre, se në një rast të tillë ata nuk do të bëjnë aksione proteste.

Në javët në vijim do të sqarohet nëse ligji lejon që baza ushtarake mund të përdoret për qëllime civile.