Mehmedi, Shaqiri dhe Nikçi, pushime në Meksikë

Pushimet nën diellin e Meksikës vijnë para sezonit të ri, që Mehmedin mund ta çojë në Kievin e ftohtë të Ukrainës

Dy yjet e futbollit zviceran, shqiptarët Mehmedi dhe Shaqiri kanë kaluar së bashku pushimet e fundvitit në Meksikën me diell. Me ta ka qenë edhe futbollisti tjetër i njohur i Cyrihut, Adrian Nikçi.

Ata së bashku kanë qenë në Playa del Carmen, për të bërë një “shkëputje” nga stresi i sezonit të kaluar dhe për të marrë pak “diell rezervë” për ditët e zymta të dimrit zviceran. Pamje nga pushimet e përbashkëta, Admiri i ka postuar edhe në facebook-un e tij.

Ai, i pyetur nga mediet zvicerane ka thënë se kanë kaluar shumë mirë me Shaqirin dhe Nikçin. Probleme nuk ka pasur fare. “Unë sërish do të shkoja në pushime me të. Ne bëjmë dallimin: në fushë jemi rivalë, ndërsa privatisht miq të mirë. Jemi kënaqur, kemi luajtur bashkë tenis dhe kemi qeshur shumë”.

Dy javë të tëra nën diellin meksikan, tre futbollistët shqiptarë bashkë me një shok tjetër kanë qenë një mundësi e mirë për të akumuluar energji për sezonin e ri që i pret.

Tash, kur afati kalimtar i futbollistëve vetëm sa s`ka filluar, për Mehmedin janë shtuar zërat se ai do të angazhohet për skuadrën Dynamo të Kievit të Ukrainës. Ai madje, sipas medieve zvicerane do të ketë udhëtuar sot për në Kiev, për të parë vendin dhe klubin