Policia e pranon, po plaçkiten turistët në Shqipëri

Sipas policisë nuk janë kursyer turistët e huaj si ata nga Kosova, Maqedonia, Suedia e Polonia

Këtë vit në sezonin turistik janë raportuar për shumë vjedhje. Edhe Policia e Shtetit ka deklaruar se deri më tani janë regjistruar 35 vjedhje në zonat bregdetare apo aty ku ka turistë.

“Po të shohim muajin gusht, objekt vjedhjesh kanë qenë celularët, në një rast kemi vjedhje automjeti, një tjetër vjedhje kasaforte, ndërsa portofolat dhe varëset janë më të shumta, duke u evidentuar 10 raste. Në këtë sezon turistik ka një veçanti, sepse përveç dëmtimit të shtetasve shqiptarë kemi edhe të dëmtuar në 15 raste edhe shtetas të huaj, përfshi këtu kosovarë, maqedonas, suedezë, polakë”, është shprehur Albert Dervishaj, drejtor i Rendit në Drejtorinë e Përgjithshme të Policisë së Shtetit për “Top Channel”.

Policia e Sarandës arrestoi pak kohë më parë edhe disa të rinj, që kryenin vjedhje masive me armë e dhunë përtej kufirit, në fshatrat e Igumenicës, përcjell albinfo.ch.