Shqipëria humb luftën me zjarret

Edhe pse në operacione për shuarjen e zjarreve është angazhuar edhe Ushtria Shqiptare ata nuk po arrin që ti vënë nën kontroll zjarret

Ilustrim

Në raportin e 24 orëve të fundit të Emergjencave Civile në Shqipëri thuhet se janë shënuar edhe 14 vatra të reja zjarri në disa qarqe të Shqipërisë.

Edhe pse në operacione për shuarjen e zjarreve është angazhuar edhe Ushtria Shqiptare ata nuk po arrin që ti vënë nën kontroll zjarret, transmeton albinfo.ch.

Drejtoria e Përgjithshme e Emergjencave Civile, në Ministrinë e Punëve të Brendshme përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129 dhe 128.

Në raport thuhet se vatrat e reja të zjarrit janë shfaqur në qarkun e Shkodrës në pyllin me pisha në fshatin Karmë, të Pukës e po ashtu në fshatin Pjetroshan të Malësi e Madhe ku janë djegur mbi 2 hektar me shkurre dhe pisha. Vatra të reja zjarri janë përhaur edhe në qarkun e Dibrës, Lezhë, Fier e Vlorë.