Kryemadhi: Me këtë qeveri Shqipëria drejt humnerës

Ajo ka thënë se nuk beson në fuqinë e kësaj qeverie për ndryshimet të cilat i duhen vendit

Ndaj kabinetit të qeverisë “Rama 2” ka reaguar edhe ish-aleatja e qeverisë së kaluar, tash në opozitë, kryetarja e LSI-së, Monika Kryemadhi.

Ajo ka thënë se nuk beson në fuqinë e kësaj qeverie për ndryshimet të cilat i duhen vendit, transmeton albinfo.ch.

“E vetmja gjë e re, në këtë qeveri të re me qeverisje të vjetër, do të jetë fakti se Shqipëria po shkon drejt humbëtirës së pandalshme! Dhe jo vetëm ekonomike, por edhe shpirtërore. Kjo, sepse ‘Qeveria e re’ e kryeministrit të vjetër, me votat e blera nga paratë e krimit nuk është dhe nuk do të jetë më gjë tjetër, tashmë, përveçse një instrument me pak ministri, ku secila do të ketë si komanduese të saj bandën përkatëse që grabiti me ‘sukses’ votat. Vetëm kështu mund t’iu shpërblehet ‘mundi’ dhe ‘sakrifica’ kriminelëve dhe trafikantëve që përfshiu në zgjedhjet e 25 qershorit, kryeministri i ardhshëm”, thekson ndër të tjera në reagimin e Monika Kryemadhi.