Lipjani nderon futbollistin shqiptar që luan në Zvicër

Benjamin Kololli është shprehur i nderuar që puna e tij po vlerësohet edhe në Kosovë

Kryetari i Komunës së Lipjanit, Imri Ahmeti ka pritur në një takim futbollistin që vjen nga Komuna e Lipjanit, Benjamin Kololli, i cili luan për Përfaqësuesen e Kosovës në futboll, por edhe skuadrën zvicerane, Lausanne.

Njoftimi është dhënë nga faqja e Komunës, duke u shpërndarë edhe nga futbollisti shqiptar.

Ahmeti ka uruar Benjaminin për sukseset e arritura, duke i uruar edhe suksese të tjera në vazhdimësi. Ai ka thënë se jo vetëm qytetarët e Lipjanit, por edhe qytetarët e gjithë Kosovës krenohen me të arriturat e tij, përcjell albinfo.ch.

Nga ana tjetër futbollisti Kololli ka falënderuar kryetarin Ahmeti për pritjen dhe mirënjohjen, duke thënë se ky është moment shumë i veçantë për të kur vlerësohet nga vendi i tij dhe merr mirënjohje.