Shkurt.ch
Gjenevë: 80 kilometra not për dosjen e maturës
Dy studentët e Gjenevës kanë pasur sukses në sfidën e tyre: të kalojnë liqenin Léman, në gjithë gjatësinë e tij, për dosjen e tyre të maturës, së bashku me një projekt humanitar.
Në breg të liqenit, përpara Baby-Beach (Gjenevë), një grup adoleshentësh pyesin, të habitur: “Kush janë këta të rinj? Nuk po i njohim, ndoshta janë të njohur…me gjithë këta fotografë përreth. Dhe, kanë të drejtë, sepse Sara-Louise Jokonia dhe Adrian Garcia Pousada u pritën si heronj, të shtunën rreth orës 16:30, pas arritjes së tyre, pasi kishin kaluar liqenin duke notuar në gjithë gjatësinë e tij nga kalaja e Chillon (VD).
“Ne jemi shumë të lumtur që e kemi bërë një gjë të tillë”, thotë me entuziazëm Sara-Louise, e cila rrezaton nga hareja, ndërsa shoku i saj, Adrian Garcia Pousada, thotë: “Jemi shumë të prekur nga gjithë kjo mikpritje dhe mirëseardhje”.
Një javë më parë dy të rinjtë kanë arritur të tejkalojnë sfidën e notit, duke bërë më shumë se 80 kilometra në shtatë faza të njëpasnjëshme. E gjithë kjo në kuadër të punës së tyre të maturës, e cila përfshin një aspekt humanitar. Sara Louise dhe Adrian Garcia janë munduar të tejkalojnë aftësitë e tyre fizike duke mbledhur fonde për të financuar kompjuterë për shkollat në Zimbabve. Konkretisht, dy të rinjtë kanë në projekt t’u japin qasje teknologjike nxënësve të shkollës fillore në Chikomba. Për të përfunduar 500 metrat e fundit, të dy notuesve u janë bashkuar të rinjtë e shoqatës Noti sporti të Gjenevës, të cilët dëshironin t’i mbështesnin ata në këtë përpjekje përfundimtare.
Nga të qeshurit, në dëshpërim!
Gjatë këtij kalimi, dy notuesit – të cilët përgatisin maturën e tyre dygjuhësore (frëngjisht-anglisht) në seksionin sportiv (notim, pa dyshim) – kanë kaluar nëpër të gjitha emocionet: nga të qeshurit, në dëshpërim, nga zemërimi, në eufori. Kishin dhimbje fizike, lodhje dhe disa faza të pafundme, të tilla si të hënën, kur 10 km e planifikuar për ditë u kthyen në 14 km, sidomos për shkak të valëve. “Ne të dy kemi pasur pasazhe të vështira, por jo në të njëjtën kohë. Prandaj, ne kemi qenë në gjendje të mbështesim njëri-tjetrin. Gjithsesi, kishim në mend qëllimin tonë dhe nuk ishte aspak e lejueshme të mos arrinim. Sot ndihemi shumë më të fortë, sepse dimë se ne jemi të aftë të kalojmë kufijtë tonë”, thotë Adrian Garcia Pousada.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Zvicër
-
Emërohet atasheu i parë i Ministrisë së Mbrojtjes së Kosovës në Zvicër Nënkoloneli Besim Gashi, është akredituar zyrtarisht si Atashe i Mbrojtjes i Republikës së Kosovës në Konfederatën...
-
Gati 100 postierë sulmohen nga qentë çdo vit në Zvicër
-
Të afërmit e personave me probleme mendore do të mund të paguhen për kujdesin
-
Samiti i paqes për Ukrainën, jo plotësisht në unanimitet
-
Samiti për Ukrainën: Neutraliteti zviceran “në zjarr”