Martohet me të fejuarën e vdekur !

Deri ku mund të dëshmohet dashuria për tjetrin. Për disa persona duket të mos ketë kufij, qoftë edhe nga vdekja.

Një rast në Tailandë vë në pah një dashuri kaq të fortë, sa që as vdekja nuk mund ta ndalojë. E fejuara e Chadil Deffy, Sarinya Kansook, vdiq në moshën 29-vjeçare në një aksident automobilistik. Disa muaj para ditës së dasmës.

Kjo martesë ishte ëndrra më e madhe e vajzës së re, Sarinya. Prandaj, Chadil ka kërkuar t’i plotësojë dëshirën e saj. Kështu që ai u martua me të me një ceremoni budiste në Surin, në veri të Tailandës. Imazhet e transmetuara nga TV lokale kanë ngjallur shumë polemika.

Chadil kishte njoftuar rrethin e tij përmes faqes së tij në Facebook, ku ka publikuar edhe disa fotografi të martesës me nusën e tij të vdekur.