Xhudistet serbe bojkotojnë himnin dhe flamurin e Kosovës

Xhudistet serbe kanë refuzuar të jenë në podium me ato të Kosovës gjatë ngritjes së flamurit dhe intonimit të himnit të Kosovës

Driton Kuka dhe Loriana Kuka

Të shtunën është mbajtur Kampionati Ballkanik në xhudo, ku Loriana Kuka dhe Distria Krasniqi fituan medalje të artë, njofton albinfo.ch.

Por, në ceremoninë e ndarje së medaljeve ka ndodhur diçka jo e zakontë, pasi xhudistet serbe kanë refuzuar të jenë në podium me ato të Kosovës gjatë ngritjes së flamurit dhe intonimit të himnit të Kosovës, ka njoftuar përzgjedhësi i Kosovës në xhudo, Driton Kuka në rrjetet sociale.

“Dje në Shkup në Kampionatin Ballkanik erdhën sinjale që edhe mbesa ime (Loriana Kuka) po ndërtohet si kampione e ardhshme, fitoi tri lufta nga garueset nga Turqia, Serbia dhe në finale kundër garueses nga Bosnja, Sabina Haracich!

Ceremonia e ndarjes së medaljeve dje sjelli diç josportive. Garuesit nga shteti fqinj nuk qëndruan në podium gjatë ngritjes së flamurit dhe intonimit të himnit!

Loriana Kuka s’u hidhërua që garueses që i shkaktoi humbje nga Serbia nuk qëndroi në podium, e njëjta situatë ndodhi edhe me Distrinë gjatë ceremonisë, por as ajo s’u hidhërua fort! Politika në sport solli shije të keqe dje në qytetin e Shkupit!”, ka thënë Kuka.