Sportistja shqiptare nga Zvicra kandidate për Lojërat Olimpike

Loriana Kuka është renditur e pesta në Kampionatin Evropian U-21 të xhudos

Driton Kuka dhe Loriana Kuka

Xhudistja shqiptare, Loriana Kuka, e cila ka vendosur të përfaqësojë Kosovën, ka arritur vendin e pestë në Kampionatin Evropian U-21, shkruan albinfo.ch.

Sportistja nga Zvicra ishte shumë afër medaljes, por nuk e arriti një gjë të tillë dhe tashmë duhet të pajtohet me vendin e pestë.

Trajneri i saj, Driton Kuka, ka thënë se ajo është kandidate për Lojërat Olimpike. “Loriana Kuka sot për vetëm 20 sekonda lëshoi medaljen e bronztë nga dora kur ishte bindshëm më e mirë se italiania Bellandi!

Kampionati Evropian U21 në Maribor ishte garë e pafat për ekipin e në veçanti për Lorianën! Shënoi dy fitore mandej pësoj humbje dhe në luftë për medalje të bronztë ishte shumë e pafat! Shkojmë më tutje plasmani i saj në vendin e pestë në Evropian është rezultat solid dhe realisht ajo besoj që do jetë kandidate serioze për Normë Olimpike në “Tokyo 2020”! Erza, Flaka e Laura shënuan nga një fitore, por mbetën larg zonës së medaljeve, por të gjithat janë shumë të reja dhe premtuese!”, ka shkruar Kuka në rrjetet sociale.