Behrami flet për krizën e Udineses

Valon Behrami në një intervistë për televizionin zyrtar të klubit ka thënë se lojtarët nuk duhet të bien në depresion dhe kjo krizë do të tejkalohet

Mesfushori shqiptar, Valon Behrami ka folur për krizën që e ka kapluar skuadrën e tij italiane, Udinese.

Ai në një intervistë për televizionin zyrtar të klubit ka thënë se lojtarët nuk duhet të bien në depresion dhe kjo krizë do të tejkalohet, përcjell albinfo.ch.

“Ne lojtarët me përvojë nuk duhet të braktisim grupin pasi kështu kalojmë në depresion. Duhet të mendojmë dhe punojmë në mënyrë pozitive”, deklaroi mesfushori 32-vjeçar, i cili ka luajtur në disa skuadra evropiane.

“Situata po bëhet gjithnjë e më e komplikuar, duhet të reagojmë dhe të mendojmë për gjërat pozitive”, ka thënë Behrami. Udinese ka vetëm një fitore këtë sezon, derisa ndodhet në vendin e 17-të në kampionatin italian.