Trajneri i Young Boys fajëson fushën

“Ishte një ndeshje e vështirë, pasi terreni ishte shumë i keq. Na u desh të kursenim disa lojtarë pasi kemi një ndeshje të rëndësishme në fundjavë”, deklaroi ai

Skënderbeu dhe Young Boys barazuan 1:1 të enjten mbrëma në Ligën e Evropës, shkruan albinfo.ch.

Trajneri i skuadrës zvicerane, Adi Hutter, është shprehur se ka vendosur t’i kursejë lojtarët, pasi po mendon për ndeshjen shumë të rëndësishme në fundjavë ndaj St. Gallenit, derisa gjithashtu fajësoi edhe fushën.

“Ishte një ndeshje e vështirë, pasi terreni ishte shumë i keq. Na u desh të kursenim disa lojtarë pasi kemi një ndeshje të rëndësishme në fundjavë”, deklaroi ai.

Ai gjithashtu u shpreh i kënaqur me reagimin e ekipit, pasi Skënderbeu shënoi golin e parë.