Një grup studimor nga Zvicra viziton Shqipërinë

“Ambasadori priti një grup studimor nga Zvicra, i cili përbëhet nga persona të profesioneve të ndryshme. Ky grup do të zhvillojë një vizitë 3-ditore në Shqipëri për t’u njohur me vendin dhe të mësojë më shumë rreth njerëzve këtu”, thuhet në njoftim

Zvicra njihet si një nga mbështetëset më të mëdha të Shqipërisë, dhe këto dy vende kanë pasur gjithmonë marrëdhënie të mira.

Për të thelluar edhe më tutje bashkëpunimin, një grup studimor nga Zvicra do të qëndrojë për tri ditë për të mësuar më shumë rreth njerëzve në Shqipëri.

Kështu shkruan Ambasada e Zvicrës në Shqipëri në rrjetet sociale, përcjell albinfo.ch.

“Si po e mbështet Zvicra zhvillimin e Shqipërisë? Cilat janë prioritetet e marrëdhënieve Zvicër-Shqipëri? Ambasadori Graf priti një grup studimor nga Zvicra, i cili përbëhet nga persona të profesioneve të ndryshme. Ky grup do të zhvillojë një vizitë 3-ditore në Shqipëri për t’u njohur me vendin dhe të mësojë më shumë rreth njerëzve këtu”, thuhet në njoftim.