Diaspora ndihet e anashkaluar nga programet e partive

Fondacioni Besa

Fondacioni i bizneseve në Bavari “Besa” ka shprehur indinjatën e thellë me partitë politikë në Kosovë që, sipas tyre, diaspora nuk ka zënë pothuajse fare vend në programet qeverisëse, transmeton albinfo.ch.

“Të nderuar kandidatë për kryetarë komunash dhe asamblistë, me interesim të madh jemi duke ndjekur fushatën elektorale për zgjedhjet lokale. Neve në Fondacionin e bizneseve në Bavari “Besa”, na habit fakti së asnjë komunë nuk ka në agjendën programore qeverisëse pjesëmarrjen e diasporës, gjë për të cilën jemi tejet të zhgënjyer, duke pasur parasysh se gati çdo familje në Kosovë ka anëtarë të tyre jashtë vendit. Diasporës tanimë nuk i mjafton që kalimthi të thuhet se do t’i mirëpresim investimet kapitale, duke e konsideruar atë si CASH COW. Ne kërkojmë nga ju që diaspora të këtë në dispozicion vendimmarrjen. Me vendimmarrje në institucione rritet besueshmëria e investitorëve të diasporës kosovare dhe miqve evropianë”, theksohet në reagim.

Fondacioni “Besa” ka kërkuar edhe nga mediat në Kosovë që në debate të ndryshme të përfshihen ekspertë nga diaspora.