Lëndohet portieri i Shqipërisë

Portieri i Shqipërisë, Thomas Strakosha, do të mungojë në ndeshjet e kombëtares kuqezi me Spanjën dhe Italinë për shkak të një lëndimi muskulor.

“Shqiponjat” do të luajnë përballë dy ekipeve më të forta të grupit kualifikues për Botërorin 2018, pa portierin e Lazios i cili është kthyer te klubi për testime të mëtejme, shkruan albinfo.ch.

Strakosha megjithatë nuk pritet të mungojë në ndeshjen ndaj Juventusit pas përballjeve ndërkombëtare.

Në vend të Strakoshës është ftuar portieri i Kukësit, derisa për ndeshjet ndaj Spanjës dhe Italisë, në portë do të jetë Etrit Berisha.