Mërgimtarit i humbin 10 mijë euro, akuzon stafin e Aeroportit në Prishtinë

Ai e ka akuzuar stafin e Aeroportit Ndërkombëtar të Prishtinës “Adem Jashari” se ia vodhi ato

Mërgimtari nga Gjermania, Valon Kajtazi erdhi nga Shtutgarti në Kosovë që t’u ndihmonte familjarëve të tij në Skenderaj. Ai kishte marrë me vete 10 mijë euro që të niste ndërtimin e një shtëpie, por paratë thotë se i humbi rrugës.

Madje, ai e ka akuzuar stafin e Aeroportit Ndërkombëtar të Prishtinës “Adem Jashari” se ia vodhi ato, ka njoftuar në “Klan Kosova”.

Megjithatë, në Aeroportin e Prishtinës thonë se çdo kompani me rastin e shitjes se biletave ua bënë me dije udhëtarëve se nuk marrin përgjegjësi për gjerat me vlerë siç janë paratë, dokumentet etj, përcjell albinfo.ch.

Në stacionin policor në Lipjan konfirmuan se janë duke zhvilluar hetimet ku kanë kuptuar se pala nuk kishte deklaruar tek autoritetet doganore se posedon atë shumë të parave.