Kultura
Alban Pengili, violinisti që entuziazmon gjermanët
Violinisti i jashtëzakonshëm Alban Pengili, tashmë ka koncertuar në pothuajse të gjithë Evropën si dhe, veç tjerash, edhe në Japoni
Rrallëherë dashamirësit e muzikës klasike kanë rastin që në rrethe më të vogla të shijojnë magjinë e një violinisti kaq të vlerësuar. Kjo u bë e mundur të dielën që shkoi në Qendrën Kulturore Hof Jünger në Kirchellen (Gjermani), shkruan gazeta “Dorstener Zeitung”.
Violinisti i jashtëzakonshëm Alban Pengili, i cili tashmë ka koncertuar në pothuajse të gjithë Evropën si dhe, veç tjerash edhe në Japoni, dha një program klasik me muzikë të barokut dhe të romantizmit të vonë.
Pengili ka studiuar në Akademinë e muzikës në Essen, tash punon si docent në një shkollë muzike, në Gjermani prandaj është i njohur për një pjesë të publikut, vazhdon gazeta. “Por, me koncertin e të dielës ai do të ngulitej thellë edhe te ata që ende nuk e kanë njohur”.
Me sonatën nr.1 të Bahut, Pengili dëshmoi që në fillim kualitetin e tij të veçantë. Vizitorët e koncertit dëgjonin të magjepsur muzikimin e Pengilit që shkonte deri në kufijtë e skajshëm të shfrytëzimit të shumëllojshmërisë së tingujve të instrumentit me hark, të cilin ai e zotëronte me aq sovranitet dhe virtuozitet.
Ai nxirrte nga violina e tij harmoni të tilla që bënin një simbiozë të mahnitshme me ambientin e pallatit Hof Jünger.
Si falënderim të veçantë për publikun e përzemërt gjerman, Alban Pengili në përmbyllje bëri një interpretim origjinal, me violinë, të himnit kombëtar të Gjermanisë.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut