Kultura
“Dardania” bën bashkë shqiptarët për 17 shkurt
Më të vegjlit, në mesin e të cilëve edhe vogëlushë 4-5 vjeçarë, kanë gjallëruar skenën me lëvizjet e tyre të shkathta dhe simpatike
Manifestimet për nderë të 17 Shkurtit, Ditës së Pavarësisë së Kosovës kanë qenë në vlugun e tyre më të madh gjatë ditëve të këtij vikendi. Në shumë qendra të Zvicrës, shoqatat dhe subjektet tjera shqiptare kanë përgatitur programe festive për ditën që shënon shtetësinë e Kosovës.
© albinfo.ch
Kështu ishte edhe në Hettlingen të Winterthurit, ku SH.K.A. “Dardania” ka bërë bashkë bashkatdhetarët e këtij regjioni dhe më gjerë për të kremtuar 17 Shkurtin.
Në manifestimin e përgatitur me mjaft përkushtim nga “Dardania”, e ndihmuar nga Grupi Teatror “Aktrimi”, ishin të pranishëm edhe dy ambasadorë të akredituar në Bernë, respektivisht ambasadori i Kosovës, Naim Malaj dhe ai i Maqedonisë, Ramadan Nazifi.
Po kështu nga Kosova kishte ardhur zëdhënësi i FSK-së, Shemsi Syla. Të dy ambasadorët dhe mysafiri nga Prishtina u janë drejtuar bashkatdhetarëve me urime festive dhe me përgëzime për vullnetin e treguar për të shënuar së bashku dhe me programe të pasura artistike këtë festë të madhe.
© albinfo.ch
Programi festiv është hapur me një recitim nga Albulena Cakolli, me intonimin e dy himneve dhe me “Vallen e Pavarësisë”, ndërsa moderimi është bërë nga Yllka Zuzaku.
Kryetari i “Dardanisë”, Shefqet Cakolli ka përshëndetur të pranishmit, duke iu drejtuar atyre me një fjalë të shkurtë kushtuar ditës festive dhe më të merituarve për këtë ditë, dëshmorëve.
Programin artistik e ka vazhduar orkestra folklorike e “Dardanisë”, me valle instrumentale dhe me këngë të kënduara nga Hamit Shillova, Ruzhdi Hajrizi dhe Yllka Zuzaku. Në vazhdim, më të vegjlit e shoqërisë, në mesin e të cilëve edhe vogëlushë 4-5 vjeçarë, kanë gjallëruar skenën me lëvizjet e tyre të shkathta dhe simpatike duke luajtur “Vallen e Lokut”.
Është për tu çmuar përkushtimi i Shoqërisë “Dardania” për të mbjellë në zemrat e këtyre fëmijëve kaq të vegjël dashurinë për vallen shqiptare. Kjo shoqëri ka edhe disa grupe tjera valltarësh, sipas moshave, mjeshtëria artistike e të cilave u shpalos në vazhdim, me vënien në skenë të një numri të madh vallesh, disa prej të cilave premiera.
© albinfo.ch
Vallet si ajo “Dasma Kosovare”, “Vallja e Librazhdit” (premierë), “Vallja e Hamzë Jasharit”, pastaj vallet karakteristike me surlë dhe tupan si “Gajdja”, “Gjilani” dhe “Rugova” kanë ndezur atmosferën në sallë dhe në fund kanë ngritur në këmbë edhe publikun, i cili u është bashkuar valltarëve.
Me një skeq humoristik u paraqit edhe grupi teatral “Aktrimi”, gjegjësisht Gjeneta Zuzaku dhe Avdi Hamiti.
Fëmijët kanë qenë edhe më tutje pjesë e programit. Enisa Hoti, Donjeta dhe Leotrim Gashi kanë recituar poezi kushtuar atdheut dhe dëshmorëve.
Mbrëmja është përmbyllur nga kryetari SH.K.A. “Dardania”, Shefqet Cakolli, i cili ka ftuar të pranishmit që të jenë së bashku edhe në shënimin e Ditës së Gruas, 8 marsit, përkatësisht në manifestimin që organizohet më 10 mars në po këtë vend.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen