Sommaruga kërkon realizëm në zbatimin e iniciativës

Në një intervistë dhënë gazetës “Tages Anzeiger”, ministrja e re e drejtësisë nga radhët e SP-së, Simonetta Sommaruga ka dhënë vlerësimet e saj të para pas miratimit në referendum të iniciativës për dëbimin e të huajve me dosje krimi.

Ajo është shprehur se e respekton vullnetin e popullit por thekson se iniciativa do të duhet të zbatohet në praktikë duke pasur parasysh realitetin në terren. Në këtë kuptim, Sommaruga kërkon dialog me bartësit e iniciativës, konkretisht me SVP-UDC-në.

Sipas saj, nuk do të duhej që, si rezultat i këtij referendumi, të dëbohen nga Zvicra edhe të huajt që kanë bërë shkelje të vogla, të papërfillshme të ligjit.