Shqipëria, destinacioni i ri i pushimeve në Evropë

Mediat e huaja vazhdimisht shkruajnë për Shqipërinë dhe bukuritë e saj, si dhe tashmë që është shndërruar një nga vendet e preferuara për t’i kaluar pushimet në Evropë, përcjell albinfo.ch.

Media e fundit që shkruan është e përditshmja angleze “Telegraph”. Shqipëria mbetet një destinacion i pazbuluar për anglezët, edhe pse ka 427 kilometra bregdet.

Deti Jon dhe ai Adriatik janë një pasuri e rrallë, që takohen në Gjirin e Vlorës.

Derisa përmend bukuritë e plazheve shqiptare, e përditshmja angleze thotë se ajo që ndoshta ka penguar britanike të vërshojnë drejt tyre, është aksesi. Shqipëria është një prej të vetmeve që ka mbetur imune ndaj fluturimeve ‘low cost’.

Shqipëria ka një aeroport funksional, derisa edhe një pritet të ndërtohet në Kukës.

Një tjetër problem sipas medias britanike janë akomodimet. Mungesa e resorteve luksoze dhe blloqet e larta të betonit mund të mos i përmbushin pritshmeritë e britanikëve. Pavarësisht kësaj, vijon “Telegraph”, Shqipëria është një vend intrigues që duhet vizituar. Me pasuritë e saj arkeologjike, ajo mund të rivalizojë edhe Italinë.