Tematike
Zvicra shënon nivelin më të lartë të vetëvrasjeve në Evropë
Në vitin 2009, 827 burra dhe 278 gra i kanë dhënë fund jetës së tyre në Zvicër. Shkalla e vetëvrasjeve është gati tri herë më e lartë te meshkujt sesa te femrat dhe kjo dukuri është në rritje me moshën. Këto shifra janë relativisht konstante që nga viti 2003,sipas raportit të Observatorit Shëndetësor (Obsan).
Pas sëmundjeve të kancerit dhe aksidenteve kardiovaskulare, vetëvrasja është shkaku i katërt kryesor i vdekshmërisë së hershme. Ky është një problem i shëndetit publik shpeshherë i neglizhuar në Zvicër, edhe pse shkalla e vetëvrasjeve është ndër më të lartat në Evropë, thuhet në raportin e Obsan-it, të lëshuar të enjten. Ngjarje të tilla ndodhin në shumicën e rasteve papritur dhe shkaktojnë vuajtje të mëdha në rrethin e tyre.
Numri i vetëvrasjeve është më i larti në kantonin e Neuchâtel-it (17.4 në 100.000 banorë) dhe gjysmëkantonet e d’Appenzell Rhodes-Extérieures (19.5 në 100.000 banorë) dhe Nidwalden (19 në 100.000 banorë). Ndërsa shifrat më të ulta janë vërejtur në kantonet e Ticino-s (8.4), i Uri-it (9.2) dhe Basel-Land-it (9.8).
Në vitin 2009, shkalla e vetëvrasjeve qëndronte në 19.3 për 100,000 meshkuj dhe 6.2 për 100.000 gra. Ndërsa për popullsinë në përgjithësi numri i rasteve të tilla është 12.5 për 100.000 banorë.
Kjo dukuri lidhet edhe me çrregullimet psikiatrike
Shumica e njerëzve që kryejnë vetëvrasje vuajnë nga çrregullime mendore që mund të diagnostikohen, siç është depresioni, skizofrenia, alkoolizmi si dhe çrregullimet e personalitetit që luajnë një rol të rëndësishëm. Për të tjerët, veprime të tilla janë shpesh rezultat i një ndjenje të momentit që parimisht nuk duket të ketë lidhje me çrregullimet psikologjike.
Në kundërshtim me besimin e përhapur, shëndeti psikologjik i popullatës zvicerane ka ndryshuar pak viteve të fundit. Sipas raportit të lartpërmendur, një banor në gjashtë vuan nga një çrregullim mendor.
Sëmundjet mendore theksohet të jenë ndër problemet shëndetësore më të shpeshta dhe më të vështira për t’i tejkaluar. Ato ndikojnë në të gjitha aspektet e jetës së personave që vuajnë dhe mund të kenë pasoja të dëmshme dhe dramatike, nënvizon raporti Obsan.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut