Tematike
Romi me “revole” është Mentori 8 vjeçar
Edhe babai i Mentorit po shqyrton mundësinë për tä paditur "Weltwochen"
Vogëlushi rom nga fotografia e ballinës së javores zvicerane “Weltwoche”, ështe Mentor M. nga Gjakova. Ai, sipas hulumtimeve të gazetës “SonntagsZeitung” është një çun 8 vjeçar i cili bashkë me familjen jeton në një kasolle në vendbanimin e egër të romëve “Ali Ibra” të Gjakovës.
Gjatë javës së kaluar, pas publikimit të kësaj fortografie, “Weltwoche” ka qenë cak i padive të shumta që i kishin ardhur nga të gjitha anët. Thirrja për diskrimimim me bazë race, ishte e përbashkëta e padive në gyqe dhe kritikave në medie. Tash së fundi duket se radhës së paditësve të Weltwoches do t`i bashkohet edhe babai i Mentorit, shkruan “Sonntag”.
Familja e Mentorit në Gjakovë mbështetet nga Caritasi i Zvicrës, i cili në vitin 2009 kishte filluar një projekt të madh humanitar në këtë lokalitet. Me ndihmën financiare të Drejtorisë për Zhvillim dhe Bashkëpunim (DEZA) dhe të Entit Federal për Migracion (BFM) do të ndërtohen shtëpi për rreth 140 familje rome të lagjes Ali Ibra. Një kopsht fëmijësh tashmë është ngritur, falë ndihmës zvicerane. Siç tregon Vidane Minci, në këtë kopsht ka qenë edhe Mentori.
Familja është ndjerë shumë keq në lidhje me raportimin në “Weltwoche”. Prindërit e Mentorit kishin pasur mundësi ta lexonin artikullin në internet, me ndihmën e një kushëriri që e njeh gjermanishten. Babai ka frikë se mos tashi biri do të stigmatizohet në shkollë. Ai po shqyrton nëse do të marrë hapa juridikë kundër përgjegjësve në “Weltwoche”.
Revolja që shihet në fotografi është një lodër plastike. Deri para një viti familja ka jetuar nga shitja e gjësendeve të ripërtëristshme që grumbullonte në deponinë e bërllokut. Me parate e kursyera, kryefamiljari ka blerë pak kohë më parë një sharrë elektrike me të cilën fiton rreth 2 euro në ditë. Sipas znj. Minci, ai e ka problem të plotësojë nevojat e fëmijëve.
Aktualisht, familja merr edhe 75 euro ndihma sociale, por pas tri vitesh edhe ato do t`i hiqen.
Ndërsa autori i fotografisë së famshme, fotoreporteri italian Livio Mancini, pas emailave të shumtë që ka marrë, sqaron për mediest se si ka mundur “Weltwoche” të marrë dhe të keqpërdorë fotografinë e bërë nga ai. “Unë nuk kam kurrfarë kontakti me këtë revistë dhe nuk mund të kontrolloj se në çfarë konteksti do të përdoret fotografia.
Të tjera nga Tematike
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Kosova në fokus të takimeve Zvicër – Itali Këtë të martë, Presidentja e Zvicrës, Viola Amherd dhe Ministri i Mbrojtjes së Italisë Guido Crosetto,...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
A po kthehet koronavirusi në Zvicër?
-
Si të merrni një leje si punëtor ndërkufitar në Zvicër
-
Shqipja në Zvicër, pak histori dhe disa probleme aktuale