Diplomojnë në Zvicër dhe largohen

Një nga pesë studentë në nivelet e larta të Universiteteve zvicerane janë të huaj. Pas diplomimit, gati 40 % largohen përsëri nga Zvicra, sipas një raporti të ri nga Zyra Federale e Statistikave, shkruan ‘swissinfo.ch’.

Rreth 19 e të gjithë studentëve janë emigrantë, sipas raportit, përcjell albinfo.ch.

Megjithatë, për studentët e nivelit master dhe të doktoraturës të shkencave të aplikuara ose arteve, kjo shkon edhe më tej, në 22 %, përkatësisht 52 %.

Gjithashtu më shumë studentë ka në shkencat natyrore dhe teknike, sesa në shkencat shoqërore ose arsimore.

Sipas raportit, 65 % prej tyre e kanë prejardhje nga një vend evropian, ndërsa 17 % janë nga jashtë Evropës.

Pas diplomimit, raporti gjen se studentët e huaj dhe lokalë ndjekin rrugë të ndryshme në tregun e punës.

Studentët e huaj sipas raportit, edhe pse kanë më pak gjasa për të punuar në sektorin publik, kanë më shumë gjasa për të zënë pozita drejtuese. Ata gjithashtu janë të pranishëm në bizneset e mëdha.

Sipas raportit, një vit pas diplomimit, 36 % e studentëve të huaj, largohen nga Zvicra. Ata me diploma të shkencave ekonomike janë të mbi-përfaqësuar në këtë rast, derisa studentët teknikë ose të mjekësisë nuk emigrojnë më shumë se kolegët e tyre zviceranë.