Xhaka edhe gazetar

Futbollisti i Kombëtares shqiptare, Taulant Xhaka, përveç që është një luftëtar në fushë, dhe një ‘humorist’ jashtë saj, mund të jetë edhe gazetar, shkruan albinfo.ch.

Skuadra e Baselit ka shkuar për t’i zhvilluar përgatitjet në Marbeja të Spanjës, derisa Xhaka merr mikrofonin e televizionit të klubit dhe bën rolin e gazetarit.

Taulanti është gjithnjë i hareshëm, duke sjellë atmosferë pozitive te shokët në skuadër.

Rolin e gazetarit e provoi edhe Fabian Frei, i cili kishte një ‘detyrë’ më të vështirë për të bërë disa pyetje, derisa Xhaka ‘shpëtoi’ me një njoftim në minutat e para të videos.

Baseli përfundoi stinorin vjeshtor në vendin e dytë me 38 pikë, dy më pak se lider Young Boys.

Basel synon të mbrojë titullin, derisa në muajin shkurt do të ndeshet me Manchester Cityn në 1/8 e finaleve në Ligën e Kampionëve.