300 mijë kubikë gurë shkëputen nga mali

Në saje të masave të marra me kohë, askush nuk ka pësuar nga kjo rrëshqitje

Në orët e hershme të mëngjesit, në Preonzo, afër kryeqytetit të kantonit të Tesinës, Bellinzona, ka ndodhur ajo që pritej prej disa ditësh: rrëshqitja masive e shkëmbinjve.

Një masë prej rreth 300 mijë kubikësh të shkëmbinjve në këtë lokalitet është shkëputur nga lartësia dhe është derdhur në ultësirë. Ndërkaq, në lëvizje kanë qenë 700 mijë kubikë gurë.

Në saje të masave të marra me kohë, askush nuk ka pësuar nga kjo rrëshqitje, njofton drs.ch. Ajo pritej prej disa ditësh kështu që zona industriale në ultësirën pranë shkëmbinjve në Preonzo ishte evakuuar gjatë vikendit.

Për shkaqe sigurie, gjatë natës së mbrëmshme qe mbyllur për qarkullim edhe autostrada A2.