Ivanoviq varroset sot në Beograd

Olivier Ivanoviq, i cili u vra të martën në mëngjes do të varroset sot, derisa ceremonia e funeralit do të nisë nga ora 12:30 në varrezat e Beogradit, shkruan albinfo.ch.

Në varrim po merr pjesë kryeministrja e Serbisë, Ana Brnabiq dhe qytetarë të shumtë nga Serbia.

Ivanoviq është vrarë nga persona deri më tani të panjohur të martën në mëngjes para selisë së partisë “Demokraci, Liri, Barazi” në rrugën “Sutjeska” në Mitrovicë.

Ende nuk ka asnjë të arrestuar në lidhje me këtë rast ndërsa pak minuta pas vrasjes në një rrugë në Mitrovicë është gjetur një veturë e djegur e Tipit Opel Astra e cila dyshohet se është përdorur në rast.

Policia ka konfiskuar edhe kamerat e sigurisë në vendin e ngjarjes, ndërsa rasti është nën hetime.