Futbollisti i Kosovës në formacionin e javës në Holandë

Ai ishte futbollisti më i mirë për skuadrën e tij, duke hyrë edhe në formacionin e javës

Në Ligën e Holandës luajnë disa futbollistë shqiptarë, ku po paraqiten me sukses. Njëri ndër ta është Arbër Zeneli, shkruan albinfo.ch.

Anësori i Përfaqësueses së Kosovës shkëlqeu për Heerenveenin në ndeshje ndaj Sparta Rotterdamit.

Arbër Zeneli në këtë ndeshje, dhuroi një asistim në fitoren e Heerenveenit ndaj Sparta Rotterdamit, ku bëri nëntë driblime dhe pati përqindje prej 82% të saktësisë në pasime.

Gjithashtu futbollisti nga Kosova ka marrë notën 8.7, duke u cilësuar si futbollisti më i mirë për skuadrën e tij, derisa ka hyrë edhe në formacionin e javës në Holandë.

Zeneli është që nga viti 2016 pjesë e Heerenveenit, ku ka realizuar gjithsej 11 gola në 58 paraqitje.