Haxhi Krasniqi rikthehet me fitore

Krahas Robinit, këtë mbrëmje triumfuan edhe boksierët shqiptarë, Elvis Hetemaj dhe Jurgen Uldedaj

Boksieri shqiptar, Haxhi Robin Krasniqi është rikthyer pas dhjetë muajsh në ring, duke mundur polakun Grafka, pas tetë raundesh, shkruan albinfo.ch.

Në një atmosferë fantastike, të krijuar nga tifozeria shqiptare, që nuk rreshti së mbështeturi Krasniqin, 30-vjeçari nga Juniku ia doli të zhvillojë një ndeshje mjaft të mirë në katër raundet e parë, ndërsa në katër të tjerët ndjeu lodhjen dhe si rrjedhojë, lëshoi terren ndaj kundërshtarit.

Megjithatë, boksieri shqiptar arriti të ruajë epërsinë fillestare dhe të triumfojë në këtë sfidë.

Krahas Robinit, këtë mbrëmje triumfuan edhe boksierët shqiptarë, Elvis Hetemaj dhe Jurgen Uldedaj.

Krasniqi rikthehej në ring pas thuajse 10 muajsh, kur humbte përballë gjermanit Arthur Abraham.