Ardian Bujupi xhiron videon në Turqi

Ai po ashtu ka shënuar një gol në një ndeshje futbolli në në Superfit KISS Cup 2012

Këngëtari Ardian Bujupi javën kaluar ka luajtur futboll në Superfit KISS Cup 2012 dhe ka treguar sukses, duke shënuar një gol për skuadrën e vet. Por jo vetëm me golin e shënuar ka rënë në sy Ardiani. Edhe frizura e tij e re ka shërbyer si material për biseda rreth këngëtarit shqiptar.

Ndonëse në ndeshje kishte pasur edhe ndërhyrje të ashpra, Ardiani thotë se e ka përmbajtur veten nga reagimi: “Nuk i kam lejuar vetes të bëja ndonjë faul, sepse ishin 10.000 veta që na shikonin”.

Mësohet po ashtu se edhe nga ana muzikore Ardiani nuk i ka punët keq. Ai u ka thënë gazetarëve gjermanë se së shpejti do t`i befasojë me risi. Një video për këngën që pretendon të bëhet hit veror, Bujupi e ka incizuar në Alanya, Turqi dhe kjo tingëllon relativisht premtuese.