Tematike
Biznes fitimprurës apo kujdes për azilkërkuesit!
Një kompani në Zvicër kujdeset për më shumë se 6500 azilkërkues, duke inkasuar jo më pak se 70 milionë franga në vit
Kujdesi ndaj azilkërkuesve në Zvicër është biznes fitimprurës. Këtë më së miri e dëshmon ORS Service AG, shkruan gazeta “Berner Zeitung”. Në shtatë qendra në tërë Zvicrën përfshirë edhe 50 qendrat tjera rajonale të strehimit, kompania në fjalë kujdeset për më shumë se 6500 azilkërkues, duke inkasuar jo më pak se 70 milionë franga.
Humbëse në këtë mes, thotë gazeta në fjalë, janë organizatat humanitare. Vetëm në Basel, pastaj në Cyrih, Solothurn, Fribourg dhe Bernë, ORS ka gjithnjë e më shumë punë me azilkërkuesit. ORS ka për detyrë të sigurojë ushqimin, pastërtinë dhe të mbajë qetësinë në qendrat me azilkërkuesit. Punëtorët nuk kanë të drejtë të marrin në pyetje azilkërkuesit.
Kritikat më të ashpra për biznesin e ORS vijnë nga lëvizja” Sans-Papiers” dhe organizatat për të drejtat e njeriut.
Gjatë majit, një komitet “kundër urrejtjes ndaj të huajve dhe biznesit të azilit” kishte demonstruar kundër një qendre azili në Bernë. Demonstruesit ishin shprehur kundüer kushteve të mjerueshme në atë qendër dhe kundër tendencës për privatizim në fushë të azilit.
Por autoritetet e Kantonit të Bernës kundërshtojnë këtë qëndrim, duke thënë se ORS Service AG ka qenë e vetmja organizatë që ka pasur mjetet e nevojshme për të hapur qendrën brenda afatit të caktuar. Po ashtu, për shkak të situatës emergjente, gjegjësisht shtimit të shpejtë të kërkesave për azil, qendra është dashur të hapej sa më shpejt. Për këtë arsye, ajo qendër është dhënë në dorëzim pa shpallur tender për të.
Drejtori i firmës së përmendur thotë se “na zihet vazhdimisht për të madhe pse ne nxjerrim fitim nga puna e jonë. Por kjo nuk e ndryshon të vërtetën se punëdhënësit tanë janë të kënaqur me ne”, thotë Stefan Moll-Thiesen. Firma punon me efikasitet dhe ka administratë të pakët. Me 600 të punësuar, kjo ndërmarrje nga Cyrihu është aktori më i rëndësishëm i jashtëm në fushë të azilit, shkruan veç tjerash gazeta “Berner Zeitung”.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla