Gjejnë në rrugë një qese plot shufra ari

Ari i gjetur kushton 124 mijë franga. Dy gjetësit thonë se për asnjë sekondë nuk u ka shkuar mendja ta mbajnë arin për vete

Një nëpunës në komunën e vogël Klingnau të kantonit Argau bashkë me praktikantin e tij kanë gjetur një qese plot me shufr ari, dhe kjo është bërë tema numër një në këtë komunë dhe më gjerë.

Jean-Marc Wenger dhe Timo Metzger pasi kishin kositur barin në rrugën e varreuave, befasisht u kishte rënë në sy një qese e bardhë plastike. Pasi që ajo kishte qenë shumë e rëndë, dy nëpunësit ishin bërë kureshtarë dhe e kishin hapur.

Ajo që kishin parë fillimisht ishte një pako e mbështjellë me letër mëndafshi dhe me shumë shirita ngjitësi. Shefi kishte bërë shaka: “Nëse është ari, atëherë do t`i dhurojmë vetes një pasdite të lirë”. Dhe, kur e hapin pakon, ata nuk u besojnë syve: brenda kishte vërtet ar, disa shufra të rënda ari të pastër. 

Bëhej fjalë për gjithsej 2.5 kilogramë arë me vlerë prej 124000 frangash. Menjëherë kanë njoftuar policinë. Ata thonë se për asnjë sekondë nuk u ka shkuar mendja ta mbajnë arin për vete.

Policia e kontrollon vendin e gjetjes dhe merr në dorëzim arin. Pas ekspertizës është vërtetuar se bëhet fjalë për ari të vërtetë , por mbetet enigmatike se si kanë përfunduar ato shufra ari në atë vend! 

Wenger dhe Metzger, nuk kanë ide se si ka mundur të ndodhte që dikush të linte atë sasi ari në atë vend. Por ata thonë, se nëse rast se ju jepet një shumë të hollash si gjetës të arit, këtë do ta festojnë në një darkë të përbashkët me kolegët e punës dhe gratë. Por ata nuk e dijnë nëse do tu jepet gjë në shenjë mirënjohje për gjetjen dhe dorëzimin e arit.