Punëtorët e KEDS-it në Mitrovicë kërcënojnë me grevë

Punëtorët e KEDS-it në Mitrovicë, të përkrahur edhe nga Federata e Sindikatave të Pavarura ‘Elektro Kosova’ kanë protestuar kundër vendimit të shkëputjes së kontratave të punës për disa punëtorë të kësaj kompanie.

“Stop presionit ndaj punëtorëve” ishte mbishkrimi i pankartës së punëtorëve të KEDS-it, përcjell albinfo.ch.

Duke e cilësuar si të padrejtë këtë veprim të KEDS-it, këta punëtorë ankohen se kjo kompani pa asnjë arsye, po vazhdon të largojë punëtorë, me qëllimin e vetëm që të mos u bëhet kontrata e përhershme punëtorëve të cilët janë në prag që t’i bëjnë 10 vjet përvojë pune, e të cilëve, me automatizëm, u takon kontrata e përhershme.

Ata kanë kërkuar rritje të pagave si dhe shqyrtimin e rasteve të punëtoreve të tjerë të larguar më herët.