Sefer Seferi: Asnjëherë nuk kam menduar se do të ndeshem me Fury

“Do të jetë një ëndërr e bërë realitet, asnjëherë nuk do të kisha menduar se do të ndeshesha me idhullin tim Tyson Fury”, shprehet Seferi

Meçi i ardhshëm i boksierit britanik, Tyson Fury, nuk është konfirmuar zyrtarisht, megjithatë, duket se do të jetë ndaj Sefer Seferit, shkruan “Daily Mail”, duke iu referuar “20 minutes”.

Për boksierin shqiptar nga Maqedonia, kjo do të ishte diçka madhështore për të. Meçi do të zhvillohet më 9 maj në Mançester të Anglisë, shkruan albinfo.ch.

“Do të jetë një ëndërr e bërë realitet, asnjëherë nuk do të kisha menduar se do të ndeshesha me idhullin tim Tyson Fury”, shprehet Seferi.

“Fury është një legjendë e boksit për shekullin 21. Ai është i gjatë, i fuqishëm, lëviz shpejt dhe e ka shkatërruar Wladimir Klitschko”, theksoi tutje boksieri shqiptar. Ai ka premtuar se do të luftojë për fitore dhe britaniku nuk do ta ketë aspak lehtë.

Ndërkohë, edhe vëllai i tij, Nuri Seferi, do t’i kthehet së shpejti ringut. Është vet boksieri që ka konfirmuar datën e mbajtjes së duelit të radhës, ndërkaq kundërshtari i tij do të jetë Toylor Mobika.

Përballja do të zhvillohet më 12 maj në Gabon të Afrikës, ku Nuri Seferi do të udhëtojë për të realizuar fitoren e radhës. “Të dashur miq, përgatitjet intensive tani janë në fazën përfundimtare. Më 12 maj në Gabon të Afrikës ndeshem me boksierin më të mirë të vendit, Toylor Mobika, ku shpresoj se do ta kaloj me sukses këtë ndeshje mjaft të vështirë”, u shpreh Nuri Seferi në rrjetet sociale.