1 Maji, këtë vit, edhe në Kosovë do të protestohet

Në Ditën Ndërkombëtare të Punëtorëve këtë vit edhe në vendin tonë do të protestohet, por edhe do të festohet. Bashkimi i Sindikatave të Punëtorëve ka thirrur protestë për në orën 11 me moton  “Qeveri BOLL MO. Zbato ligjin!”

Marshi protestues do të niset nga sheshi “Zahir Pajaziti”, për të vazhduar deri te sheshi “Skënderbeu”, para ndërtesës së Qeverisë, përcjell albinfo.ch.

Drejtuesit e BSPK-së kanë thënë se të drejtat e punëtorëve në Kosovë shkelen në mënyrë drastike. Pjesëmarrjen në këtë protestë e kanë konfirmuar të gjitha sindikatat e punëtorëve, por edhe Lëvizja Vetëvendosje dhe Grupi i Deputetëve të Pavarur.

Në këtë ditë në shumicën e institucioneve pushohet. Policia dhe Komuna e Prishtinës kanë njoftuar se gjatë ditës do të bllokohen disa rrugë në kryeqytet.