Gjermania në kërkim të infermierëve në Kosovë dhe Shqipëri

Për shkak të mungesës së personelit të infermierëve përkujdesës, Shoqata përkatëse nga Mecklenburg-Vorpommern në Gjermani, kërkon të rekrutojë bashkëpunëtorë të rinj Kosovë dhe Shqipëri.

Shumica e klinikave rehabiltuese gjermane janë në kërkim të infermierëve përkujdesës dhe terapeutëve, ka shpjeguar të enjten në Rostock udhëheqësja e shoqatës në fjalë, Marianne Düsterhöft. Mirëpo, pa dhënë ndonjë shifër të saktë, informon Albinfo.ch.

Që nga kjo verë, shoqata është duke planifikuar të rekrutojë personel nga Prishtina.

Po që se gjithçka shkon mirë, ata do të mund t’ia fillojnë punës vitin e ardhshëm në verilindje të Gjermanisë, ka pohuar Düsterhöft.

Përpos njohurive profesionale, praktikantët do të duhet ta kryejnë edhe një provim në Gjermani, si dhe njohjen e gjuhës gjermane në nivelin B2.