Thaçi në Vjenë: Kosova, e gatshme për kompromise

Kosova është e gatshme për kompromise në dialog dhe marrëveshje për marrëdhënie evropiane me Serbinë, ka thënë presidenti Hashim Thaçi në Vjenë.

Sipas tij, zgjidhja duhet të jetë e favorshme për të dyja palët. Duke folur për fazën e fundit të dialogut me Serbinë, Thaçi ka theksuar se mund të lëvizim përpara.

“Të angazhohemi për kompromis dhe t’i ndihmojmë njerëzit në Kosovë dhe Serbi që të arrijnë normalizimin dhe pajtimin historik”, ka thënë presidenti, përcjell albinfo.ch.

Ai ka shtuar se procesi ka nevojë që edhe Uashingtoni të mbetet i angazhuar. Presidenti këto komente i ka bërë në promovimin që Akademia Diplomatike e Vjenës ia ka bërë librit biografik të tij.