Panucci rrezikon shkarkimin

Trajneri italian, shkruan ‘Calciomercato’, duket se po rrezikon shkarkimin, pasi rezultatet pozitive që ai ka arritur janë të pakta

Kombëtarja shqiptare nën drejtimin e Christian Panuccit ka bërë serish hapa prapa pas prezantimit të dobët në humbje 3:0 kundër Kosovës të martën, duke marrë një tjetër rezultat zhgënjyes në miqësoren e zhvilluar në Evian të Francës kundër Ukrainës.

Shqipëria nuk arriti të ringrihej, duke dalë e humbur 4:1 në ndeshjen kundër Ukrainës, shkruan ‘Calciomercato’, duke theksuar se kjo u shtohet ndeshjeve negative të luajtura së fundmi nga kombëtarja shqiptare, përcjell albinfo.ch.

Trajneri italian, shkruan ‘Calciomercato’, duket se po rrezikon shkarkimin, pasi rezultatet pozitive që ai ka arritur janë të pakta.

Analistët dhe ish-trajnerët e kanë kritikuar Panuccin se po shkatërron ekipin që e ka ndërtuar Gianni de Biasi.

Por, presidenti i FSHF-së, Armand Duka, ka thënë se ai nuk rrezikon shkarkimin.