Sport

Gjergjaj e paralajmëron Seferin se si mund të jetë meçi me Fury

Si Gjergjaj, ashtu edhe Seferi jetojnë në Zvicër, ku janë larguar nga vendlindja për shkak të kushteve. Ata janë miq të mëdhenj

E premte, 8 Qershor 2018 - 10:40 albinfo.ch

albinfo.ch

Ai është i zhurmshëm, është i çuditshëm, është i mprehtë. Tyson Fury oscilon midis gjeniut dhe të çmendurit, si askush tjetër. Ish partneri shqiptar Arnold “The Cobra” Gjergjaj thotë se si është britaniku.

Arnold Gjergjaj, 33 vjeç, ishte i sigurt se ata kishin humbur rrugën e tyre. Diku përgjatë kufirit belgo-holandez, boksieri i peshës së rëndë dhe menaxheri i tij Angelo Gallina, ishin në kërkim të rrugës së tyre për në kampin e trajnimit të Tyson Fury në vitin 2013. Por nuk gjetën asgjë. “Mendova se sistemi i navigimit është i prishur”, thotë Gjergjaj për “Blick”, njofton Albinfo.ch.

Në një moment u shfaq një ndërtesë. “Diku në pyll, pa adresë”, thotë Gallina. “Kishte erë të djersëve dhe çorape të vjetra që kundërmonin nga një distancë. Shtatë ose tetë burra kanë qenë të vendosur atje për disa javë. “Xhaxhai i Fury ishte shefi i grupit. “Hierarkia dukej se mbretërontë qartë, pa diskutim. “Babai i Fury, John, në atë kohë ishte në burg, pasi kishte therë një person në sy.

Në katin e parë kishte disa dhoma. Gjergjaj: “Tëtë ditën emetoheshin filma dhe jam i sigurt se nuk ishin për të rinj”. Mysafirët nga Zvicra u vendosën në një tjetër ndërtesë, nëpër shtrate që ishin në dysheme.

Një mjedis i ashpër, asgjë glamuroze dhe përallore, jo si tek Wladimir Klitschko, ku ai gjithashtu ishte ftuar për partner trajnimi. Ai ka ushtruar në hotel me pesë yje, i izoluar, sipas kritereve shkencore, çdo gjë e pastër si kristal.

Fury tani është duke punuar në Marbella sipas metodave më moderne, paraprakisht Fury punonte me shkollë të vjetër. Gallina pohon: “Vështirë, pa pushim, pa matje të pulsit, gjithmonë në lëvizje. Mënyrë brutale e tij”.

E vështirë ishte edhe stërvitja me britanikun e gjatë 2.06 metra. Raundet midis Fury dhe Dillian Whyte, edhe personalisht kandidat për një rrip të kampionit të botës, kanë impresionuar veçanërisht Kobrën. “Fury u kthye tek ne gjatë një pauze dhe tha: Në 20 sekondat e ardhshme, unë do të rrëzoj përtoke! Dhe vërtetë, nuk kaluan 20 sekonda dhe ëhyte u përplas poshtë”.

Gjergjaj gjithashtu ka pësuar nga ai, pasi Fury ia theu një brinjë në trajnim. “Ai e njeh vetëm një cilësi: Sulm të ashpër”.

Për vite me radhë, Fury ka punuar aq shumë, kështu që ndoshta nuk është çudi që pas triumfit mbi Klitschko në vitin 2015, kolapsi solli në kulmin e alkoolit, drogës dhe fjalëve të dyshimta.

“Asnjëherë nuk mund të zemërohesh me britanikun”, thotë Gjergjaj. “Ai është një djalë i këndshëm. Artist i lindur. “Por nuk duhet të mashtrohesh. Edhe nëse ai duket i dyshimtë, boksin e merr shumë seriozisht. Është si i çmendur, por e di saktësisht se çfarë bën. Me provokimet e tij ai e lodhë kundërshtarin e tij, që më pas ta godasënë kokë”.

Miku i tij Sefer Seferi, i cili do të boksojë kundër Fury të shtunën, është paralajmëruar nga Gjergjaj. A do të jetë i dobishëm ky paralajëmrim? Do të jetë shumë vështirë.