Bytyqi e Nikolla: Bashkëpunimi ndihmon në ruajtjen dhe kultivimin e gjuhës

Të dy ministrat, Shyqyri Bytyqi e Lindita Nikolla, thanë se bashkëveprimi në mes të Institutit të Albanologjisë dhe atij të Historisë, të dy vendeve ndihmon në ruajtjen dhe kultivimin e gjuhës dhe kulturës shqiptare

Në 140 vjetorin e Lidhjes së Prizrenit, dy ministrat e arsimit, ai i Kosovës dhe Shqipërisë kanë mbledhur albanologët dhe historianët shqiptarë në Prizren.

Të dy ministrat, Shyqyri Bytyqi e Lindita Nikolla, thanë se bashkëveprimi në mes të Institutit të Albanologjisë dhe atij të Historisë, të dy vendeve ndihmon në ruajtjen dhe kultivimin e gjuhës dhe kulturës shqiptare, përcjell albinfo.ch.

Ministrja e Arsimit e Shqipërisë, Lindita Nikolla tha se është tejet i rëndësishëm institucionalizimi i bashkëveprimit të institutit të Albanologjisë dhe Historisë.

Ajo tha se tashmë këto institucione kanë bashkëpunim në baza vullnetare, por do të rregullohet që ai të vazhdojë në baza institucionale.

Ndërsa Bytyqi kërkoi që të që të krijohet një trup i përbashkët vendimmarrës për të dy institutet.