Një numër i madh i qytetarëve në festivalin “Sunny Hill”

Në pritje të këngëtares me famë botërore, Dua Lipa. Festivali zgjat tre ditë

Një numër i madh i të qytetarëve janë mbledhur në Parkun e Gërmisë në Prishtinë për natën e parë të festivalin “Sunny Hill”, ku këngëtarja shqiptare me famë botërore, Dua Lipa është ylli i mbrëmjes.

Mbrëmja ka filluar me grupin Asgjë sikur dielli, për të vazhduar me grupin Oda, ku Dukagjin Lipa, babai i Duas dhe organizatori i këtij festivali elektrizoi masën, më pas ka performuar grupi Jericho, ndërsa pritet që në pas pak në skenë të ngjitet Stanaj, kurse e fundit do të performojë ajo që të gjithë e presin artistja Dua Lipa.

Gazetari i RTV21, Robert Bojaj i pranishëm në festival në një lidhje të drejtpërdrejt për emisionin “21 Gradë”  tha se deri tani çdo gjë po duket të jetë fenomenale, tipik festival ndërkombëtar, diçka që kurrë në Kosovë nuk kemi pa deri më tani, përcjell albinfo.ch.

Ndryshe, Festivali ka karakter humanitar, sepse 25 për qind e të hyrave neto që mbesin nga festivali do t’i dhurohen organizatave kosovare që kujdesen për zhvillimin e fëmijëve kosovarë, posaçërisht atyre me nevoja të veçanta si dhe për aktivitete kulturore.