Swiss me rekord të ri: 16 milionë pasagjerë

Kjo shifër është për tre për qind më e madhe se në vitin paraprak dhe njëherësh një rekord i ri

Kompania ajrore Swiss gjatë vitit të kaluar ka “përpunuar” 16 milionë pasagjerë. Kjo shifër është për tre për qind më e madhe se në vitin paraprak dhe njëherësh një rekord i ri, bën të ditur Swiss në përmbledhjen vjetore që do ta publikojë në mes të marsit.

Por, sipas kompanisë, rritja e numrit të pasagjerëve nuk nënkupton shtimin edhe të qarkullimit të saj.

Numër të shtuar të pasagjerëve ka regjistruar edhe kompania tjetër ajrore sikur Easyjet.

Në fluturimet nga Bazeli dhe për Bazel, kjo kompani ka shënuar rritje prej 17 për qind në krahasim me vitin paraprak, duke mbërritur në 3 milionë pasagjerë.

Kompania e njëjtë në Gjenevë ka shënuar rritje prej 10 për qind ose 5.5 milionë pasagjerë.