Ragip Xhaka: Zvicra e di se shqiponja është simboli jonë kombëtar

Babai i Granitit dhe Taulant Xhakës ka folur për deklaratat e Granit Xhakës dhe Xherdan Shaqirit pasi festuan me shqiponjë ndaj Serbisë

Para ndeshje së Shqipërisë me Izraelin në “Elbasan Arena” ishte edhe babai i Taulant Xhakës, Ragipi, i cili ka folur për mikrofonat e “Supersport”, duke komentuar edhe shqiponjën nga Granit Xhaka dhe Xherdan Shaqiri ndaj Serbisë, përcjell albinfo.ch.

Emocionet që ke?

Normal që emocionet janë nga të dyja anët. Pa marrë parasysh se ku luhet ndeshja në Zvicër apo Shqipëri. Jam shumë i lumtur që gjendem në Elbasan.

Ke qenë ti që ua ke ushqyer dashurinë për futbollin. Çfarë mendimi ke për Shqipërinë?

Po, unë kam qenë, por ata kanë pasur talentin. Shqipëria është shumë e fortë dhe ka lojtarë të mirë në Kombëtaren tonë. Këta djem do të kenë sukses me trajnerin Panucci.

Xhaka dhe Shaqiri. Çfarë mendimi ke për deklaratat në lidhje me shqiponjën?

Zvicra e di që shqiponja është simboli jonë kombëtar. Nuk duhet cilësuar si shumë e rëndë. Ishte një gjest emocional dhe jo politik. Nuk ka asgjë të keqe. Por kur mbron ngjyrat e një shteti tjetër duhet të kesh pak kujdes.

Kush është pika jote e dobët, Taulanti apo Graniti?

Nuk mund t’ju përgjigjem. Nuk bëj dallime. I kam të dy bijtë e mijë. Pikë të dobët kam të voglin (Granitin), por edhe Taulantin… Nuk i ndaj dot.

---