Xhaka, optimist se do të kualifikohet Zvicra

Kapiteni i Zvicrës, Granit Xhaka beson se Nati do të kualifikohet tutje

Zvicra humbi nga Brazili 1:0 dhe tashmë kualifikimin do ta kërkojë përballë Serbisë të premten. Nati-t i mjafton edhe një barazim, ndërsa për serbët vlen vetëm fitorja, shkruan albinfo.ch.

Kapiteni Granit Xhaka foli pas ndeshjes ndaj Brazilit. “Brazili ka kualitete të mëdha. Në mbrojtje kemi luajtur mirë në shumicën e kohës. Brazili nuk ka pasur raste të pastra për shënim. Te goli i pranuar nuk kemi mundur të bëjmë shumë. Për mendimin tim, ne kemi përmirësuar paraqitjen në krahasim me ndeshjen ndaj Kamerunit”, ka thënë Xhaka.

Ai foli edhe për ndeshjen vendimtare ndaj Serbisë. “Do të japim çdo gjë në fushë. Do të luajmë futboll dhe le të fitojë më i miri”, u shpreh Xhaka.

---