Ekspozitë me fotografitë e “burrneshave”

Ekspozita e fotografive hapet sot (e enjte) dhe mund të vizitohet deri më 26 maj në Muzeun e arteve “Kloster Unser Lieben Frauen” në Magdeburg

Gratë të cilat jetojnë një jetë burrash në malet e Shqipërisë së Veriut janë në qendër të një ekspozite fotografish të hapur në Muzeun e arteve të qytetit gjerman Magdeburg.

Artistja bullgare Pepa Hristova ka fotografuar gratë në fjalë, të njohura me emrin “burrneshat” në mes viteve 2008 dhe 2010. Bëhet fjalë për një traditë nga mesjeta që ka mbetur e gjallë deri më sot në regjionet e izoluara të malësive të veriut shqiptar.

Sipas kësj tradite, nëse vdes një kryefamiljar, një pjesëtare femër e kësaj familjeje vazhdon jetën si burrë. Në një shoqëri tradicionalisht patriarkale, përmes këtij akti femrat fitojnë të drejta plotësuese, të cilat si femra nuk do t`i gëzonin, thotë autorja e ekspozitës.

Ekspozita e fotografive hapet sot (e enjte) dhe mund të vizitohet deri më 26 maj në Muzeun e arteve “Kloster Unser Lieben Frauen” në Magdeburg.