Hoti: Së pari zgjedhje, pastaj dialog

Lidhja Demokratike e Kosovës insiston që vendi duhet të shkojë në zgjedhje.  

Shefi i Grupit Parlamentar të LDK-së, Avdulla Hoti, ka thënë se së pari duhet të mbahen zgjedhje e pastaj dialog, projekt për të cilin ka thënë se prodhon stabilitet institucional dhe eviton rreziqet gjeopolitike që po i kanosen vendit.

“Nuk mund të pretendojmë t’i normalizojmë raportet me Serbinë, e në të njëjtën kohë të kemi raporte jonormale institucionale brenda në Kosovë. Gjendja aktuale në Kosovë nuk po prodhon normalitet të brendshëm e as zhvillim në asnjë segment të jetës”, ka shkruar Hoti.

Ai ka thënë se nuk mund të vazhdohet rrugëtimi normal i Kosovës drejt BE-së me këtë situatë.

“Situata e krijuar me angazhimin antikushtetues të Presidentit Thaçi për korrigjimin e kufijve, e ka nxjerrë nga binarët këtë rrugëtim. LDK-ja nuk do të ndalet në këtë përpjekje për t’i bindur të gjitha forcat politike për projektin “Së pari zgjedhje, pastaj dialog”, përfundon Hoti.

---