Sporte Luftarake
Altin Zogaj, boksieri që po e ndërton karrierën në Gjermani
E la futbollin shkaku i obligimeve personale, por, më pas, falë të vëllait Milotit, i cili po ashtu është boksier, jeta e një futbollisti, mori rrugëtim tjetër
Boksieri i peshave gjysmë të rënda deri në 79.4 kg, Altin Zogaj, jeton në Stuttgart të Gjermanisë dhe synon ta arrijë suksesin e titullit të Gjermanisë, të Evropës dhe të Botës.
25-vjeçari i është kyçur boksit profesionist dhe deri tani ka zhvilluar tri meçe.
I ka fituar që të tria, dy prej tyre me nokaut. Para çdo lufte, ai, në prapavijë, e ka këngën “Marshi i UÇK-së”, e cila i jep zemër edhe më shumë.
Por, fillimi i karrierës së tij në boks është i veçantë, pasi në të kaluarën Zogaj ishte pjesë e sportit më të popullarizuar në botë, futbollit, ku nuk pati karrierë të gjatë.
E la futbollin shkaku i obligimeve personale, por, më pas, falë të vëllait Milotit, i cili po ashtu është boksier, jeta e një futbollisti, mori rrugëtim tjetër, raporton KT V.
Në boksin amator boksoi deri në maj të këtij viti, në kategorinë e mesme, gjysmë të rëndë dhe të rëndë. Boksin amator me atë profesionist e krahason me sprintin dhe maratonën në atletikë, përcjell albinfo.ch.
Ai thotë se duhet punë dhe disiplinë më e madhe në boksin profesionist, pasi edhe kundërshtarët janë shumë më të fortë.
Si model për t’u përcjellë i ka vëllezërit Klitschko.
Në luftën e fundit, më tre nëntor, në Wangen të Gjermanisë, Zogaj përballë e pati boksierin hungarez Istvan Zeller, boksier ky që kishte 38 fitore në boksin profesionist.
Meçin e radhës, djaloshi nga Drenasi, pritet ta ketë në dhjetor, por kundërshtari ende nuk është bërë i ditur.
E-Diaspora
-
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena Nuk ka se si të mungoj flamuri 'Kuq e Zi' dhe Shqiponja në "Allianz Arena" ...
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë