Shaqiri sërish shënon gol për Bajernin

Shaqiri e ka shfrytëzuar shumë mirë rastin e dhënë dhe është tashmë autor i katër golave në ndeshjet kampionale për Bayernin.

Xherdan Shaqiri ka pasur edhe një javë të mbarë. Me golin e tij, FC Bayern ka siguruar fitoren kundër Freiburgut, të 14 pa asnjë humbje në sezonin pranveror. Shaqiri e ka shënuar golin në minutën e 35-të dhe ky ka qenë goli i vetëm i kampionit gjerman. Ao ka luajtur gjatë gjithë ndeshjes, pra 90 minuta.

Duhet thënë se trajneri i Bayernit Heynckes ka zëvendësuar në küetë ndeshje 10 nga lojtarët e njëmbëdhjetëshes që ka luajtur (dhe fituar 4:0) kundër Barcelonës. Kështu, Shaqiri e ka shfrytëzuar shumë mirë rastin e dhënë dhe është tashmë autor i katër golave në ndeshjet kampionale për Bayernin.

Vetë FC Bayern me këtë fitore ka radhitur serinë e rekordeve. Ai, me 84 pikë në kohën kur i ka pa luajtur ehde tri ndeshje ka fituar më shumë se kurrëndonjëherë ndonjë ekip tjetër në bundesligë. Po ashtu asnjë ekip deri më tash në bundesligë nuk i ka fituar 14 ndeshje radhazi dhe po ashtu kurrë në 31 ndeshje nuk i ka shënuar 90 gola, sa ka shënuar Bajerni.

Edhe Granit Xhaka është angazhuar në ndeshjen e kësaj jave gjatë tërë lojës, 90 minuta. Por në këtë ndeshje Borusia Mönchengladbach ka humbur nga Wolfsburgu me rezultat 3:1.