HI-Call, dorëzat e dimrit shndërrohen në telefon

Tashmë mund të telefononi edhe në temperatura të ulëta. “Dorëzat e mençura” jo vetëm që do të shërbejnë për ngrohjen e duarve, por edhe të telefononi gjatë dimrit

Për këtë ka menduar një kompani italiane e teknologjisë inovative.  “HIFUN” është kompania që është themeluar në Itali dhe ka zhvilluar pajisje të pazakonta për telefonat “Smartphone”.

Hi-Call janë dorëza dimri, në të cilat ka të inkorporuar me “Bluetooth” një dëgjuese telefonike dhe mikrofon.

Dëgjuesja është në gishtin tregues, ndërsa mikrofoni në gishtin e vogël. Dorëza lidhet me një telefonin “Smartphone” nëpërmjet “Bluetooth”, ndërsa bateritë mbushen me “USB”. 

Bateritë e mbushura plot iu mbajnë 10 ditë gjatë dimrit. Dorëzën mund ta pastroni pa problem në një rrobalarëse.

Hi-Call dorëzat telefoni do të jenë në dispozicion nga mesi i shtatorit, janë të përshtatshme për meshkuj dhe femra, me një çmim deri 49.99 euro.