Bota

Arrestohen 48 migrantë nga policia franceze

E diel, 3 Mars 2019 - 21:00 albinfo.ch
Foto ilustrim: (KEYSTONE/Salvatore Di Nolfi)

Policia franceze ka arrestuar 48 migrantë, të cilët kishin hipur në një traget teksa ia po ankorohej në portin e Calais.

Migrantët kishin përdorur disa shkallë për të hyrë në traget, që kishte ardhur në Francë nga Britania, shkruan REL, përcjell albinfo.ch.

Migrantët e arrestuar po mbahen në selinë qendrore të policisë në Calais, teksa autoritetet po vazhdojnë kërkimet në anije, për të parë nëse ka migrantë të tjerë, raporton Reuters.

Organizatat që merren me migrantë vlerësojnë se qindra migrantë jetojnë në zonën e Calais, me shpresën se do të gjejnë mënyra për të shkuar në Britani të Madhe.

 Të ngjashme

As procedura e lehtësuar nuk i josh të rinjtë të marrin pasaportën zvicerane

 Të tjera nga Bota

Zvicra konfirmon shtyrjen e bisedimeve mes SHBA-së dhe Iranit

 E-Diaspora

 Jeta në Zvicër