Rrugët më të rrezikshme të Zvicrës

Zyra Federale për Rrugët (Astra) ka identifikuar më shumë se 1000 vende aksidentesh në Zvicër. Shumica ndodhin në tunelin “Gubrist” afër Cyrihut.

Analiza e të gjitha aksidenteve më 2011 dhe 2012 tregojnë se tuneli “Gubrist” është pjesa më e rrezikshme në rrugët e Zvicrës. Rreth 100 herë në vit dëgjohen sirenat e ndihmë së shpejtë dhe policisë në këtë pjesë të autostradës, shkruan “SonntagsZeitung”.

Nga 200 aksidente që kanë ndodhur në dy vjetët e fundit janë përfshirë rreth 600 automjete, ku u lënduan rëndë 17 njerëz, ndërsa 35 më lehtë. Dëmi është vlerësuar më shumë se 3.5 milionë franga.

“Shoferët janë me agresiv sot në Gubrist se dhjetë vjet më parë”, thotë Carl Albin për «SonntagsZeitung». Menaxheri i vjetër i kësaj pjese të autostradës ka vërejtur se sidomos shoferët e kamionëve janë duke vozitur shpejt. Shumë shoferë telefonojnë duke vozitur ose dërgojne SMS, lexojnë gazetat apo navigacione.

ETH ka shqyrtuar në mënyrë intensive viteve të fundit situatën në Gubrist. Ndriçimi në tunel është pjesërisht i pamjaftueshëm. Në hyrje të tunelit shoferët kanë dukshmëri jo të mirë dhe nuk mund të llogarisin shpejtësinë e makinave para tyre.

Vendi i dytë si pikë e nxehtë e aksidenteve të identifikuara, i ashtuquajtur si “pika e zezë” ështe edhe Maladière në Lozanë, ku janë regjistruar 60 aksidente në dy vjetët e fundit.

Prej më shumë se 1000 pikave të nxehta të aksidenteve 100 ndodhin në autostradë, ndërsa pjesa tjetër në rrugët kantonale dhe komunale.

Në përgjithësi, për shkak të aksidenteve të shkaktuara në rrugët e Zvicrës, në dy vjetët e fundit kanë vdekur 659 persona dhe janë lënduar rëndë më shumë se 8600 persona.